Фотографија
Фотографијата е дел од секојдневниот живот. Но фотографијата е и уметност која крие многу тајни. Учесниците на оваа работилница ќе учат за техниките и тајните на добрата уметничка фотографија од Роберт Јанкулоски, професионален фотограф со долгогодишно искуство, професор по фотографија и истражувач.
Креативно пишување за млади новинари
Работилницата за креативно пишување оваа година е посветена на новинарството. Весна Ивановска-Илиевска, новинар со над 20 години искуство и ко-основач на Умно.мк ќе ги воведе учесниците во основите на новинарството и во техниките за комуникација преку медиумите и притоа преку игра и групна работа ќе ги поттикне да се испробаат во оваа интересна, но и многу одговорна професија.
Анимиран филм
Работилница за техниките на анимацијата. Учесниците со едноставни апликации и со својата богата имагинација ќе создадат кратки анимирани филмови. Работилницата е под менторство на Крсте Господиновски, професор по анимација на факултетот за аудиовизуелни уметности „ЕСРА“ и режисер на анимирани филмови.
Филмска работилница
Од идеја до реализација: Под менторство на режисерката Марија Џиџева учесниците ќе имаат можност да стекнат основни познавања за тоа како да ја преточат својата идеја во краток филм, со помош на само две алатки: мобилен телефон и многу фантазија.
Дигитален дизајн
Со оваа работилница учесниците ќе имаат можност да научат како визуелно да комуницираат, дури и во услови со ограничени материјални и технички ресурси и како со помош на бесплатната платформа Canva да креираат постови за социјалните мрежи со мобилен телефон. Дополнително работилницата ќе поттикне индивидуална и тимска работа, како и критичко размислување. Работилницата ќе ја води Ладислав Цветковски, професор по графички дизајн на факултетот за ликовна уметност.