Ликовна работилница
Ликовната работилница наменета за Јуниорите е место кадешто секој може да ја испроба својата креативност и да научи нешто ново за сликарските тајни и техники. Оваа година ликовната работилница ќе се обиде да ја поттикне фантазијата на најмладите на тема „Различни а еднакви“. Работилницата се одвива под менторство на Моника Мотеска, дипломиран сликар со долгогодишно искуство и бројни самостојни изложби, но и богато искуство во работа со деца.
Музичка работилница
Музичката работилница повторно ќе ѝ биде посветена на филмската и театарската музика, овојпат со фокус кон мјузиклот, кој ги соединува музиката, театарот и танцот. Работилницата е под водство на Лада Шоптрајанова Петровска, виолинистка и писател, која ќе ги запознае учесниците со примери од сериозната музика користени во филмовите, но и со филмови кои користеле познати поп нумери како иновативен начин за раскажување на приказната.